HuquqTech
Oʻzbekiston Respublikasi Konstitutsiyasining 118-4-moddasi 2, 4-bandlariga va “Oʻzbekiston Respublikasi Davlat mustaqilligi asoslari toʻgʻrisida”gi Qonunga muvofiq hamda muhofaza va hududiy yaxlitlik tadbirlarini kuchaytirish, davlat mustaqilligi va suverenitetini taʼminlash, fuqarolarning konstitutsiyaviy huquqlari va erkinliklarini himoya qilish maqsadida:
1. Oʻzbekiston SSR Davlat xavfsizligi Ittifoq — respublika komiteti tugatilsin.
2. Oʻzbekiston Respublikasi Milliy xavfsizlik boshqarmasi tuzilib, Respublika Prezidentiga boʻysundirilsin.
3. Oʻzbekiston Respublikasi Prezidenti huzuridagi Vazirlar Mahkamasi bir oy muddat ichida Oʻzbekiston Milliy xavfsizlik boshqarmasi tuzilishi, nizomi va soniga doir takliflarni tayyorlasin hamda taqdim etsin.
Oʻzbekiston Respublikasi Milliy xavfsizlik boshqarmasi birinchi navbatda razvedka, kontrrazvedka va uyushgan jinoyatchilikka qarshi kurash bilan shugʻullanishi kerakligi belgilab qoʻyilsin. Sobiq Davlat xavfsizligi komitetining yuqorida sanab oʻtilgan vazifalar bilan bogʻliq boʻlmagan va Oʻzbekiston Respublikasi Konstitutsiyasiga zid barcha tuzilma, boʻlinmalari va boʻlimlarini tugatish koʻzda tutilsin.
Oʻzbekiston Respublikasining Prezidenti I. KARIMOV
Toshkent sh.,
1991-yil 26-sentabr,
PF-265-son