Xalqaro shartnomalarni tasdiqlash toʻgʻrisida

1. 2016-yil 24-iyun kuni Toshkent shahrida imzolangan:

Hindiston Respublikasining Shanxay hamkorlik tashkilotiga aʼzo davlat maqomini olish uchun majburiyatlari toʻgʻrisidagi Memorandum;

Pokiston Islom Respublikasining Shanxay hamkorlik tashkilotiga aʼzo davlat maqomini olish uchun majburiyatlari toʻgʻrisidagi Memorandum tasdiqlansin.

2. Oʻzbekiston Respublikasi Tashqi ishlar vazirligi Shanxay hamkorlik tashkiloti Kotibiyatiga mazkur xalqaro shartnomalarning kuchga kirishi uchun Oʻzbekiston Respublikasi tomonidan zarur boʻlgan davlat ichki tartib-taomillari bajarilganligi toʻgʻrisida tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralarning rahbarlari mazkur xalqaro shartnomalar kuchga kirgandan keyin Oʻzbekiston Respublikasi majburiyatlari bajarilishi ustidan belgilangan tartibda nazoratni taʼminlansin.

4. Mazkur qarorning ijrosini nazorat qilish Oʻzbekiston Respublikasi Bosh vazirining birinchi oʻrinbosari, moliya vaziri R.S. Azimov va Oʻzbekiston Respublikasi Prezidenti huzuridagi Xavfsizlik kengashi kotibi V.V. Maxmudov zimmasiga yuklansin.

Oʻzbekiston Respublikasi Prezidenti vazifasini bajaruvchi Sh. MIRZIYOYEV

Toshkent sh.,

2016-yil 28-noyabr,

PQ-2662-son