# Bojxona kodeksi — 295-modda. Bojxona toʻlovlarini toʻlovchilar

> HuquqTech · https://huquqtech.uz/qonun/BJK/295
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.


Bojxona toʻlovlarini toʻlovchi (bundan buyon matnda toʻlovchi deb yuritiladi) quyidagilardan iborat:
deklarant;
bojxona brokeri, agar deklarant bilan tuzilgan shartnomada bu nazarda tutilgan boʻlsa;
bojxona omborining, erkin omborning, boj olinmaydigan savdo doʻkonining egasi, tashuvchi, ular tomonidan bojxona rejimlarining qoʻllanilish talablari va shartlariga amal qilinmaganda;
xalqaro pochta va kuryerlik joʻnatmalarining pochta aloqasi operatorlari va provayderlari, basharti bojxona nazorati ostida boʻlgan xalqaro pochta va kuryerlik joʻnatmalari yoʻqolsa yoki bojxona nazoratisiz berilsa.
Har qanday manfaatdor shaxs toʻlovchi uchun bojxona toʻlovlarini toʻlashga haqli.

[Barcha moddalar](https://huquqtech.uz/qonun/BJK)