# Jinoyat-ijroiya kodeksi — 25-5-modda. Majburiy jamoat ishlariga hukm qilingan shaxsning majburiyatlari

> HuquqTech · https://huquqtech.uz/qonun/JIK/25-5
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.


Majburiy jamoat ishlariga hukm qilingan shaxs:
sudning hukmi, ajrimi yoki qarori qonuniy kuchga kirgan kundan eʼtiboran oʻn kun ichida yashash joyidagi probatsiya boʻlinmasida hisobga turishi;
majburiy jamoat ishlarini bajarish va oʻtash shartlariga rioya etishi;
oʻzi uchun belgilangan joyda (obyektda) ishlashi hamda majburiy jamoat ishlarining belgilangan muddatlari va hajmlarini ishlab berishi;
majburiy jamoat ishlarini oʻtash joyidagi (obyektidagi) tashkilotning (organning) ichki mehnat tartibi qoidalariga rioya etishi, mehnatga vijdonan munosabatda boʻlishi;
yashash joyi oʻzgarganligi haqida probatsiya boʻlinmasini xabardor qilishi, shuningdek uning chaqiruviga binoan yetib kelishi shart.

[Barcha moddalar](https://huquqtech.uz/qonun/JIK)