# Jinoyat-protsessual kodeksi — 322-modda. Jinoyat ishini qoʻzgʻatish sabablari va asoslari

> HuquqTech · https://huquqtech.uz/qonun/JPK/322
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.


Jinoyat ishini qoʻzgʻatish uchun:
1) shaxslarning arizalari;
2) korxonalar, muassasalar, tashkilotlar, jamoat birlashmalari va mansabdor shaxslar bergan xabarlar;
3) ommaviy axborot vositalari bergan xabarlar;
4) jinoyat sodir etilganligini koʻrsatuvchi maʼlumotlar va izlarni surishtiruvchi, tergovchi, prokuror, shuningdek tergovga qadar tekshiruvni amalga oshiruvchi organning bevosita oʻzi aniqlashi;
5) aybini boʻyniga olish haqidagi arz sabab boʻladi.
Jinoyat belgilari mavjudligini koʻrsatuvchi maʼlumotlar jinoyat ishini qoʻzgʻatish uchun asos boʻladi.

[Barcha moddalar](https://huquqtech.uz/qonun/JPK)