# Jinoyat-protsessual kodeksi — 447-modda. Tanib olish uchun koʻrsatish, eksperiment oʻtkazish, ekspert tekshiruvi uchun namunalar olish

> HuquqTech · https://huquqtech.uz/qonun/JPK/447
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.


Sud tergovida tanib olish uchun koʻrsatish, eksperiment oʻtkazish va ekspert tekshiruvi uchun namunalar olish ushbu Kodeksning 125 — 131, 153 — 156, 188 — 197-moddalarida nazarda tutilgan qoidalarga muvofiq oʻtkaziladi. Taraflar shu sud harakatlari munosabati bilan iltimoslar qilishga va oʻz mulohazalarini bildirishga haqlidirlar.
Sud ushbu harakatlarni oʻtkazishda koʻmaklashishni surishtiruvchi yoki tergovchidan talab qilishga haqlidir.
Tanib olish uchun koʻrsatish, eksperiment oʻtkazish hamda namunalar olish jarayoni va natijalari, shuningdek mazkur sud harakatlarining yuritilishi munosabati bilan bildirilgan iltimoslar, mulohazalar va tushuntirishlar sud majlisining bayonnomasida qayd qilinadi.

[Barcha moddalar](https://huquqtech.uz/qonun/JPK)