# Ma'muriy javobgarlik to'g'risidagi kodeks — 245-2-modda. Adliya organlari

> HuquqTech · https://huquqtech.uz/qonun/MJK/245-2
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.


Adliya organlariga ushbu Kodeksning 215-5-moddasida nazarda tutilgan maʼmuriy huquqbuzarliklar toʻgʻrisidagi ishlar taalluqlidir. Adliya organlari nomidan maʼmuriy huquqbuzarliklar toʻgʻrisidagi ishlarni koʻrib chiqishga va jarima tariqasidagi maʼmuriy jazo choralarini qoʻllashga quyidagilar haqli:
Oʻzbekiston Respublikasi adliya vaziri va uning oʻrinbosarlari;
Oʻzbekiston Respublikasi Adliya vazirligining Davlat xizmatlari departamenti boshligʻi;
Qoraqalpogʻiston Respublikasi adliya vaziri va uning oʻrinbosarlari, viloyatlar va Toshkent shahar adliya boshqarmalarining boshliqlari hamda ularning oʻrinbosarlari.
Ushbu Kodeksning 175-9, 197-8, 198-3, 198-4, 239, 239-1-moddalarida, 239-2-moddasining uchinchi qismida nazarda tutilgan huquqbuzarliklar aniqlangan taqdirda, adliya organlarining mansabdor shaxslari maʼmuriy huquqbuzarlik toʻgʻrisida bayonnoma tuzadi.
Maʼmuriy huquqbuzarlik toʻgʻrisidagi bayonnoma koʻrib chiqish uchun ushbu Kodeksning 282-moddasida belgilangan tartibda sudga yuboriladi.

[Barcha moddalar](https://huquqtech.uz/qonun/MJK)