# Homilador ayol va kichik bolali xodimning qanday kafolatlari bor?

> HuquqTech · https://huquqtech.uz/savol/homilador-ayol-va-bolali-xodim-kafolatlari
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.

**Huquq sohalari:** Mehnat huquqi

## Qisqa javob

Homiladorligi yoki farzandi borligi sababli ishga qabul qilishni rad etish, ishdan bo'shatish yoki ish haqini kamaytirish TAQIQLANADI. Bu to'g'ridan-to'g'ri qonun taqiqi.

Homiladorlik va tug'ish ta'tili hamda bolani parvarishlash ta'tillari alohida moddalarda tartibga solingan; bu davrda ish o'rni saqlanadi.

Bundan tashqari tungi ish, ish vaqtidan tashqari ish va xizmat safariga yuborishda alohida cheklovlar amal qiladi. Huquq buzilgan deb hisoblasangiz, buyruq va yozishmalarni saqlang — ular nizoda hal qiluvchi dalil bo'ladi.

## Qonun asosi

### MK 392-modda — Homiladorligi yoki farzandlari borligi sababli ishga qabul qilishni rad etishni, ishdan boʻshatishni yoki ish haqini kamaytirishni taqiqlash

> Homiladorligi yoki farzandlari borligi bilan bogʻliq sababga koʻra ishga qabul qilishni rad etish, ishdan boʻshatish yoki ish haqini kamaytirish taqiqlanadi. Ish beruvchi ishga qabul qilishni rad etgan taqdirda, rad etish sabablarining ishga qabul qilish huquqiga ega boʻlgan mansabdor shaxs tomonidan imzolangan yozma asosini homilador ayol yoki farzandlari bor shaxs talabiga koʻra uch kun ichida taqdim etishi shart. Ishga qabul qilishni rad etish sabablarining yozma asosini taqdim etmaganlik ishga qabul qilishni rad etganlik ustidan shikoyat qilishga monelik qilmaydi.

https://huquqtech.uz/qonun/MK/392

### MK 404-modda — Homiladorlik va tugʻish taʼtili

> Ayolga tugʻruqqacha yetmish kalendar kun hamda tugʻruqdan keyin ellik olti kalendar kun (tugʻish qiyin kechgan yoxud ikki yoki undan ortiq bola tugʻilgan taqdirda yetmish kalendar kun) homiladorlik va tugʻish taʼtili berilib, qonunchilikda belgilangan, lekin oʻrtacha oylik ish haqining yetmish besh foizidan kam boʻlmagan miqdorda nafaqa toʻlanadi. Homiladorlik va tugʻish taʼtili ayolga jamlangan holda hisoblab chiqarilib, tugʻruqqacha haqiqatda foydalanilgan kunlar sonidan qatʼi nazar, toʻliq beriladi. Homiladorlik va tugʻish nafaqasini tayinlash hamda toʻlash tartibi Oʻzbekiston Respublikasi Vazirlar Mahkamasi tomonidan belgilanadi.

https://huquqtech.uz/qonun/MK/404

### MK 405-modda — Bolani ikki va uch yoshga toʻlguniga qadar parvarishlash taʼtillari

> Homiladorlik va tugʻish taʼtili tugaganidan keyin, ayolning xohishiga koʻra, unga bolasi ikki yoshga toʻlguniga qadar bolani parvarishlash taʼtili berilib, bu davr uchun Oʻzbekiston Respublikasi Vazirlar Mahkamasi tomonidan belgilanadigan tartibda nafaqa toʻlanadi. Ayolga uning xohishiga koʻra, bolasi uch yoshga toʻlguniga qadar uni parvarishlash uchun ish haqi saqlanmagan holda qoʻshimcha taʼtil ham beriladi. Ushbu moddaning birinchi va ikkinchi qismlarida koʻrsatilgan bolani parvarishlash taʼtillaridan bolaning otasi, buvisi, buvasi yoki bolani haqiqatda parvarishlayotgan boshqa qarindoshlari ham, shuningdek vasiysi ham toʻliq yoki qismlarga boʻlib foydalanishi mumkin. Ayol yoki ushbu modd…

https://huquqtech.uz/qonun/MK/405