# Ishonchnoma qanday rasmiylashtiriladi?

> HuquqTech · https://huquqtech.uz/savol/ishonchnoma-qanday-rasmiylashtiriladi
> Matn lex.uz rasmiy manbasidan olingan va avtomatik yangilanadi. Huquqiy ahamiyatga ega qarorlar uchun rasmiy nashrga va malakali mutaxassisga murojaat qiling.

**Huquq sohalari:** Shartnoma va fuqarolik huquqi

## Qisqa javob

Ishonchnoma — bir shaxsning boshqa shaxs nomidan ish yuritishi uchun beriladigan yozma vakolat. Uning shakli va muddati qonunda belgilangan.

Ayrim hollarda notarial tasdiqlangan ishonchnomalarga tenglashtirilgan hujjatlar ham tan olinadi — bu holatlar qonunda aniq sanab o'tilgan.

Ishonchnomani istalgan vaqtda bekor qilish mumkin, lekin bu haqda tegishli shaxslarga xabar berish SHART — aks holda bekor qilingandan keyingi harakatlar ham sizga taalluqli bo'lib qolishi mumkin.

## Qonun asosi

### FK 134-modda — Ishonchnoma

> Bir shaxs (ishonch bildiruvchi) tomonidan ikkinchi shaxsga (ishonchli vakilga) uchinchi shaxslar oldida vakillik qilish uchun berilgan yozma vakolat ishonchnoma hisoblanadi. Ishonchli vakil oʻziga ishonchnoma bilan berilgan vakolatlar doirasida ish olib boradi. Yuridik shaxs nomidan, shuningdek yuridik shaxsga ham ishonchnoma faqat yuridik shaxsning ustavida (nizomida) koʻrsatilgan faoliyat maqsadlariga zid boʻlmagan bitimlarni tuzish uchungina berilishi mumkin.

https://huquqtech.uz/qonun/FK/134

### FK 135-modda — Ishonchnomaning shakli

> Ishonchnoma oddiy yozma shaklda yoki notarial shaklda rasmiylashtiriladi. Notarial shaklni talab qiluvchi bitimlarni tuzish yoxud yuridik shaxslarga nisbatan harakatlarni amalga oshirish uchun berilgan ishonchnoma notarial tasdiqlangan boʻlishi kerak, ushbu Kodeksning 136, 137, 138-moddalarida nazarda tutilgan hollar va qonunchilik bilan ishonchnomaning oʻzgacha shakli belgilab qoʻyilgan boshqa hollar bundan mustasno.

https://huquqtech.uz/qonun/FK/135

### FK 139-modda — Ishonchnomaning muddati

> Ishonchnoma koʻpi bilan uch yil muddatga berilishi mumkin. Agar ishonchnomada muddat koʻrsatilgan boʻlmasa, u berilgan kundan boshlab bir yil mobaynida oʻz kuchini saqlaydi. Berilgan kuni koʻrsatilmagan ishonchnoma haqiqiy emas. Notarius tomonidan tasdiqlanib, Oʻzbekiston Respublikasidan tashqarida harakatlarni amalga oshirishga moʻljallangan, amal qilish muddati koʻrsatilmagan ishonchnoma uni bergan shaxs tomonidan bekor qilingunicha oʻz kuchini saqlaydi.

https://huquqtech.uz/qonun/FK/139