Xalqaro shartnomalarni tasdiqlash toʻgʻrisida

1. Quyidagi 2010-yil 27-sentabr kuni Toshkent shahrida imzolangan:

Oʻzbekiston Respublikasi Hukumati bilan Ozarbayjon Respublikasi Hukumati oʻrtasida 2011 — 2015-yillarda iqtisodiy hamkorlik qilish toʻgʻrisidagi Bitim;

Oʻzbekiston Respublikasi Hukumati bilan Ozarbayjon Respublikasi Hukumati oʻrtasida 1997-yil 18-iyundagi Oʻzbekiston Respublikasi hamda Ozarbayjon Respublikasi fuqarolarining vizasiz safarlari toʻgʻrisidagi Bitimga oʻzgartish va qoʻshimchalar kiritish haqidagi Protokol tasdiqlansin.

2. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnomalar kuchga kirishi uchun zarur boʻlgan ichki davlat tartib-qoidalari bajarilgani toʻgʻrisida tegishli bildirishnoma yoʻllasin.

3. Oʻzbekiston Respublikasi Vazirlar Mahkamasi hamda tegishli vazirlik va idoralar rahbarlari ushbu xalqaro shartnomalar kuchga kirgandan keyin belgilangan tartibda Oʻzbekiston Respublikasining majburiyatlari bajarilishi ustidan nazoratni taʼminlasinlar.

4. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklansin.

Oʻzbekiston Respublikasi Prezidenti I. KARIMOV

Toshkent sh.,

2011-yil 22-fevral,

PQ-1485-son