222-modda. Qamoqdan yoki qoʻriqlov ostidagi saqlash joyidan qochish

Qamoqda saqlanayotgan yoki ozodlikdan mahrum qilish tariqasidagi jazoni oʻtayotgan shaxsning qamoqdan yoki qoʻriqlov ostidagi saqlash joyidan qochishi —

besh yilgacha ozodlikdan mahrum qilish bilan jazolanadi.

Qochish:

a) badanga yengil yoki oʻrtacha ogʻir shikast yetkazgan holda;

b) oʻta xavfli retsidivist tomonidan;

v) bir guruh shaxslar tomonidan sodir etilgan boʻlsa —

besh yildan sakkiz yilgacha ozodlikdan mahrum qilish bilan jazolanadi.