HuquqTech
Uy-joy qurish yoki uy-joy kooperativi aʼzosi kooperativ ustavida hamda qonunchilikda nazarda tutilgan huquqlarga va majburiyatlarga egadir.
Uy-joy qurish yoki uy-joy kooperativining turar joy mulkdori boʻlmagan aʼzosi oʻzi bilan birga yashovchi, pay jamgʻarmasiga boʻlgan huquqi tan olingan oila aʼzolarining, shu jumladan vaqtincha boʻlmaganlarining yozma roziligi bilan egallab turgan turar joyini uy-joy qurish yoki uy-joy kooperativining turar joy mulkdori boʻlgan boshqa aʼzosi bilan almashtirishga haqlidir, bunda turar joyni almashtirayotgan shaxs kooperativ aʼzoligiga qabul qilingan boʻlishi va u kredit hamda foizlarning tegishli qismini toʻlash xususidagi kooperativ ustavining talablarini bajarishi kerak.
Uy-joy qurish yoki uy-joy kooperativining aʼzosi qonunchilikka muvofiq turar joyni ijaraga yoki arendaga berishga haqlidir.