HuquqTech
“Oʻzbekiston Respublikasining xalqaro shartnomalari toʻgʻrisida”gi Oʻzbekiston Respublikasi Qonunining 20-moddasiga muvofiq:
1. Quyidagilar tasdiqlansin:
Umumjahon pochta ittifoqining Umumiy reglamenti (Buxarest, 2004-yil 5-oktabr);
(1-bandning uchinchi xatboshisi Oʻzbekiston Respublikasi Prezidentining 2011-yil 4-martdagi PQ-1495-sonli qaroriga asosan chiqarilgan)
(1-bandning toʻrtinchi xatboshisi Oʻzbekiston Respublikasi Prezidentining 2011-yil 4-martdagi PQ-1495-sonli qaroriga asosan chiqarilgan)
2. Oʻzbekiston Respublikasi Tashqi ishlar vazirligi mazkur xalqaro shartnomalar kuchga kirishi uchun Oʻzbekiston Respublikasi zarur boʻlgan ichki davlat tartib-qoidalarini bajargani toʻgʻrisida tegishli bildirishnomalar yoʻllasin.
3. Oʻzbekiston Respublikasi Bosh vaziri hamda Vazirlar Mahkamasi tegishli komplekslarining, vazirliklar va idoralarning rahbarlari ushbu xalqaro shartnomalar kuchga kirgandan keyin belgilangan tartibda Oʻzbekiston Respublikasining majburiyatlari ijrosi ustidan nazoratni taʼminlasinlar.
4. Oʻzbekiston Respublikasi Prezidentining 2005-yil 18-maydagi PQ-78-sonli qarori oʻz kuchini yoʻqotgan deb hisoblansin.
5. Mazkur qarorning ijrosini nazorat qilish Oʻzbekiston Respublikasi Bosh vaziri Sh.M. Mirziyoyev zimmasiga yuklansin.
Oʻzbekiston Respublikasi Prezidenti I. KARIMOV
Toshkent sh.,
2007-yil 11-yanvar,
PQ-559-son