HuquqTech
“Dehqon xoʻjaligi toʻgʻrisida”, “Fermer xoʻjaligi toʻgʻrisida” Oʻzbekiston Respublikasining Qonunlariga muvofiq hamda qishloq xoʻjaligi tovar ishlab chiqaruvchilari uchun yagona yer soligʻi joriy etilishi munosabati bilan:
1. “Shaxsiy yordamchi va dehqon xoʻjaliklarini davlat yoʻli bilan qoʻllab-quvvatlash hamda mamlakatni oziq-ovqat bilan taʼminlashda ularning rolini kuchaytirish borasidagi chora-tadbirlar toʻgʻrisida” Oʻzbekiston Respublikasi Prezidentining 1997-yil 18-martdagi PF-1737-son Farmoni 4-bandining uchinchi xatboshi quyidagi tahrirda bayon etilsin:
“dehqon xoʻjaliklaridan undirib olinadigan yer soligʻi summasi mablagʻlarining 5 foizi hamda fermer xoʻjaliklaridan undirib olinadigan yagona yer soligʻi summasi mablagʻlarining 2,5 foizi”.
2. Oʻzbekiston Respublikasi Prezidentining 1997-yil 18-martdagi PF-1737-son Farmonining sarlavhasi va matniga ilovaga muvofiq oʻzgartirishlar kiritilsin.
Oʻzbekiston Respublikasining Prezidenti I. KARIMOV
Toshkent sh.,
2001-yil 7-sentabr,
PF-2933-son
Oʻzbekiston Respublikasi Prezidentining 2001-yil 7-sentabrdagi PF-2933-son FarmonigaILOVA
OʻZBEKISTON RESPUBLIKASI PREZIDENTINING 1997-YIL 18 MARTDAGI PF-1737-SON FARMONIGA KIRITILADIGAN OʻZGARTIRIShLAR
1. Farmonning sarlavhasi va matnidagi “shaxsiy yordamchi va dehqon xoʻjaliklari” degan soʻzlar oʻrniga “dehqon va fermer xoʻjaliklari” soʻzlari yozilsin.
2. Farmonning 3, 4, 5 va 6-bandlaridagi “Shaxsiy yordamchi va dehqon xoʻjaliklari uyushmasi” soʻzlari almashtirilib, “Dehqon va fermer xoʻjaliklari uyushmasi” deb yozilsin.
3. 4 va 7-bandlaridagi “Shaxsiy yordamchi va dehqon xoʻjaliklarini qoʻllab-quvvatlash jamgʻarmasi” soʻzlari oʻzgartirilib, “Dehqon va fermer xoʻjaliklarini qoʻllab-quvvatlash jamgʻarmasi” deb yozilsin.