Ayrim respublika komissiyalarini tugatish toʻgʻrisida

1. Aholini omonatlardagi va davlat sugʻurtasi boʻyicha pul mablagʻlarini indeksatsiyalash Respublika komissiyasi tugatilsin.

Aholining pul jamgʻarmalarini indeksatsiyalash va toʻlash bilan bogʻliq masalalarni hal etish vazifasi hisob-kitoblar mexanizmini takomillashtirish va budjetga toʻlovlar intizomini mustahkamlash Hukumat komissiyasining budjetga toʻlovlar intizomini mustahkamlash boʻyicha Kichik komissiyasi zimmasiga yuklansin.

2. Yagona yer soligʻi joriy etish bilan bogʻliq ishlarni muvofiqlashtirish boʻyicha Respublika komissiyasi tugatilsin.

Oʻzbekiston Respublikasi Moliya vazirligi va Oʻzgeodezkadastr zimmasiga yerlarni kadastr jihatdan baholash borasidagi chora-tadbirlar amalga oshirilishini hisobga olgan holda yagona yer soligʻini hisoblab chiqarish va toʻlash tizimini takomillashtirish boʻyicha ishlarni olib borish yuklatilsin.

3. “Aholining omonatlardagi va davlat sugʻurtasi boʻyicha pul mablagʻlarini indeksatsiyalash toʻgʻrisida” Oʻzbekiston Respublikasi Prezidentining 1995-yil 20-dekabrdagi PF-1327-son Farmonining 8-bandi, Oʻzbekiston Respublikasi Prezidentining 1998-yil 3-martdagi PF-1934-son Farmoni, Oʻzbekiston Respublikasi Prezidentining 1998-yil 10-oktabrdagi PF-2086-son Farmonining 4-bandi oʻz kuchini yoʻqotgan deb hisoblansin.

Oʻzbekiston Respublikasining Prezidenti I. KARIMOV

Toshkent sh.,

2000-yil 19-sentabr,

PF-2714-son