HuquqTech
Mamlakatimizda suv havzalarini muhofaza qilish boʻyicha chora-tadbirlar izchilligini taʼminlash va Sirdaryo daryosining oʻzanini toʻplanib qolgan noruda materiallardan tozalash hamda qirgʻoqlarini mustahkamlash loyihalarini amalga oshirishda ekologik xavfsizlikni taʼminlash maqsadida:
1. Oʻzbekiston Respublikasi Prezidentining 2024-yil 17-yanvardagi “Suv havzalarida noruda materiallarni qazib olishni tartibga solish chora-tadbirlari toʻgʻrisida”gi PF-14-son Farmoniga ilovaga muvofiq quyidagilarni nazarda tutuvchi oʻzgartirish va qoʻshimcha kiritilsin:
2024-yil 1-maydan boshlab Sirdaryo daryosi oʻzanidagi noruda materiallarni qazib olishga muddatsiz moratoriy joriy qilish, shuningdek, noqonuniy qazib olish ishlari natijasida tabiatga yetkazilgan zarar uchun javobgarlikni kuchaytirish;
Sirdaryo daryosining yuvilgan qirgʻoqlarini mustahkamlash, qirgʻoq boʻyi mintaqasidagi buzilgan yerlarning tabiiy holatini qayta tiklash va reabilitatsiya qilish chora-tadbirlarini amalga oshirish.
2. Mazkur Farmonning ijrosini nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2024-yil 11-mart,
PF-46-son
Oʻzbekiston Respublikasi Prezidentining 2024-yil 11-martdagi PF-46-son Farmoniga ILOVA
Oʻzbekiston Respublikasi Prezidentining 2024-yil 17-yanvardagi “Suv havzalarida noruda materiallarni qazib olishni tartibga solish chora-tadbirlari toʻgʻrisida”gi PF-14-son Farmoniga kiritilayotgan oʻzgartirish va qoʻshimcha
1. Muqaddimaning toʻrtinchi xatboshisidagi va 1-bandning ikkinchi xatboshisidagi “Chirchiq” soʻzi “Chirchiq, Sirdaryo” soʻzlari bilan almashtirilsin.
2. 1-ilova quyidagi mazmundagi 14-pozitsiya bilan toʻldirilsin: