HuquqTech
[Koʻchirma]
Elektrotexnika sanoati sohada yaratilgan sharoitlar natijasida soʻnggi yetti yilda respublikaning yirik mahalliy sanoat tarmogʻiga aylandi, tarmoqda ishlab chiqarish hajmi qariyb 2 barobarga, eksport hajmi 7 barobarga oʻsdi va geografiyasi 63 ta davlatga yetdi.
Elektrotexnika sanoati va unga yondosh sohalarni rivojlantirish, yuqori texnologiyali hamda yuqori qoʻshilgan qiymatli mahsulotlar ishlab chiqarishni ragʻbatlantirish, ilmiy-tadqiqot va tajriba-konstruktorlik ishlarini sohaga keng joriy etish maqsadida:
1. Elektrotexnika sanoatini 2025 — 2027-yillarda rivojlantirish va yangi bosqichga olib chiqishning asosiy yoʻnalishlari etib quyidagilar belgilansin:
tarmoqda qoʻshilgan qiymat ulushini oʻrtacha 21 foizdan 30 foizga va ishlab chiqarish hajmini 58 trillion soʻmga yetkazish;
qayta ishlash jarayonlariga ilgʻor texnologiyalarni joriy etish, yuqori qoʻshilgan qiymatli tayyor mahsulotlar ishlab chiqarishni kengaytirish va diversifikatsiya qilish hisobiga eksport hajmini 3,0 milliard AQSH dollariga yetkazish;
yuqori texnologiyalarga asoslangan elektrotexnika mahsulotlari ishlab chiqarishni ragʻbatlantirish hamda innovatsion gʻoyalarni joriy etishni qoʻshimcha ragʻbatlantirish orqali umumiy qiymati 4,0 milliard AQSH dollari miqdoridagi investitsiya loyihalarini amalga oshirish;
ishlab chiqarishni avtomatlashtirish, raqamli boshqaruv tizimini joriy etish orqali mahsulotlar raqobatbardoshligini oshirish.
2. Quyidagilar:
Elektrotexnika sanoatini rivojlantirishning 2025 — 2027-yillarga moʻljallangan maqsadli koʻrsatkichlari 1-ilovaga muvofiq;
Elektrotexnika sanoatida yangi ishlab chiqarish quvvatlarini yaratish va ishlab chiqarishni diversifikatsiya qilish dasturi doirasida 2025 — 2027-yillarda amalga oshiriladigan investitsiya loyihalarini ishga tushirishning yigʻma parametrlari 2-ilovaga muvofiq;
Elektrotexnika mahsulotlarini mahalliy ishlab chiqaruvchilar va ularning rasmiy dillerlari hamda distribyutorlaridan xarid qilishning 2025 — 2027-yillarga moʻljallangan maqsadli koʻrsatkichlari 3-ilovaga muvofiq;
Elektrotexnika sanoati va unga yondosh sohalarni rivojlantirish, yuqori texnologiyali hamda yuqori qoʻshilgan qiymatli mahsulotlar ishlab chiqarishni ragʻbatlantirish boʻyicha “yoʻl xaritasi” 4-ilovaga* muvofiq tasdiqlansin.
* 4-ilova berilmaydi.
Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi (keyingi oʻrinlarda — Hukumat komissiyasi) bir oy muddatda yangi ishlab chiqarish quvvatlarini yaratish va ishlab chiqarishni diversifikatsiya qilish dasturi doirasida loyihalarning manzilli roʻyxatini tasdiqlasin va amalga oshirish choralarini koʻrsin.
3. Belgilansinki, yuqori qoʻshilgan qiymatli sanoat mahsulotlari ishlab chiqarishni ragʻbatlantirish uchun qulay moliyaviy sharoitlar yaratish maqsadida 2025-yil 1-fevraldan quyidagi qoʻllab-quvvatlash choralari joriy etiladi:
a) bojxona hududida qayta ishlash rejimida tayyorlangan mahsulotlarni keyingi ishlab chiqaruvchilar tomonidan sanoat kooperatsiyasi tartibida qayta ishlash uchun bojxona hududida qayta ishlash rejimiga joylashtirishga ruxsat beriladi;
b) korxonalarning rivojlanish va tadqiqot markazlari (R&D) faoliyatini yoʻlga qoʻyish uchun belgilangan tartibda shakllantiriladigan roʻyxatlar boʻyicha oʻz ehtiyojlari uchun olib kelinadigan, Oʻzbekiston Respublikasida ishlab chiqarilmaydigan laboratoriya jihozlari va anjomlari 2028-yil 1-fevralga qadar bojxona bojidan ozod etiladi;
v) ustav fondida davlat ulushi 50 foizdan ortiq boʻlgan yuridik shaxslarning va davlat organlarining maʼmuriy bino-inshootlarini, shuningdek ijtimoiy soha obyektlarini qurish boʻyicha xarid qilish hujjatlariga quyidagi talablar kiritiladi:
pudratchilar zarur tovarlarni Ishlab chiqaruvchilar ekotizimi va/yoki Elektron kooperatsiya portalidagi (keyingi oʻrinlarda — portallar) mahalliy ishlab chiqaruvchilardan xarid qiladi;
zarur tovarlar portallarda mavjud boʻlmasa, tasdiqlovchi maʼlumotnomalar asosida ularni boshqa elektron portallardan xarid qilishga ruxsat etiladi;
g) Ishlab chiqaruvchilar ekotizimida savdolar davlat buyurtmachilari va ishlab chiqaruvchilar oʻrtasida elektron doʻkon tartib-taomillari asosida, shartnoma qiymati bilan bogʻliq cheklovlarsiz oʻtkaziladi, bunda ofertalar mahalliy ishlab chiqarilgan tovar toʻgʻrisidagi sertifikat maʼlumotlari asosida shakllantiriladi.
4. Belgilab qoʻyilsinki, 5-ilovaga muvofiq yuqori texnologiyali ishlab chiqarishni joriy etgan elektrotexnika sanoati korxonalariga yuqori texnologiyali ishlab chiqarish obyekti foydalanishga qabul qilingan sanadan eʼtiboran uch yil muddatga quyidagi soliq imtiyozlari beriladi:
yuqori texnologiyalar asosida mahsulotlar ishlab chiqarish faoliyatidan olinadigan daromadlari qismida foyda soligʻining nol darajali stavkasini qoʻllash;
yuqori texnologiyali ishlab chiqarish obyektlari egallagan yer uchastkalari boʻyicha yuridik shaxslarning mol-mulkiga solinadigan soliqni toʻlashdan ozod etish.
Iqtisodiyot va moliya vazirligi Soliq qoʻmitasi bilan birgalikda ikki oy muddatda mazkur bandda nazarda tutilgan imtiyozlarni qoʻllash boʻyicha Soliq kodeksiga tegishli oʻzgartirish va qoʻshimchalar kiritish toʻgʻrisidagi qonun loyihasini Vazirlar Mahkamasiga kiritsin.
5. Iqtisodiyot va moliya vazirligi, Investitsiyalar, sanoat va savdo vazirligi, Davlat aktivlarini boshqarish agentligi va Savdo-sanoat palatasining elektrotexnika sohasida investitsiya loyihalarini amalga oshirish uchun elektrotexnika sanoati korxonalari tomonidan ommaviy savdolar orqali sotib olinadigan davlat va davlat ishtirokidagi korxonalarning koʻchmas mulk obyektlari boʻyicha toʻlovlarini 10 yilgacha muddatda boʻlib-boʻlib toʻlash toʻgʻrisidagi taklifiga rozilik berilsin.
6. Oliy taʼlim, fan va innovatsiyalar vazirligi hamda “Oʻzeltexsanoat” uyushmasining ilgʻor texnologiyalar asosida yangi mahsulot turlarini ishlab chiqish hamda soha uchun muhandis va oʻrta boʻgʻin kadrlarini tayyorlash maqsadida “Eltech Lab” masʼuliyati cheklangan jamiyati tarkibida Ilgʻor injiniring markazini (tarkibiy boʻlinma) tashkil etish toʻgʻrisidagi taklifi maʼqullansin.
Oliy taʼlim, fan va innovatsiyalar vazirligi ikki oy muddatda ushbu markazni tashkil etish, jihozlash hamda faoliyati bilan bogʻliq xarajatlarni moliyalashtirish uchun “Eltech Lab” masʼuliyati cheklangan jamiyatiga Ilm-fanni moliyalashtirish va innovatsiyalarni qoʻllab-quvvatlash jamgʻarmasi mablagʻlari hisobidan 10 milliard soʻm grant ajratsin.
7. Savdo-sanoat palatasi va “Oʻzeltexsanoat” uyushmasi:
a) ikki oy muddatda Oliy taʼlim, fan va innovatsiyalar vazirligi bilan birgalikda elektrotexnika sanoati korxonalari uchun yuqori malakali oʻrta boʻgʻin kadrlari hamda ishchi-mutaxassislarni tayyorlash maqsadida Jizzax viloyatidagi 1-son politexnikumi hamda Toshkent viloyatidagi Ohangaron shahar politexnikumi huzurida injenerlik maktablarini tashkil etib, soha korxonalaridan mahalliy amaliyotchi hamda ilgʻor xorijiy mutaxassislarni jalb qilgan holda taʼlim dasturini amalga oshirish choralarini koʻrsin.
Bunda:
injenerlik maktablarini jihozlash, saqlash va boshqa xarajatlar uchun ushbu politexnikumlarga Davlat budjetidan har yili 5 milliard soʻmdan mablagʻ ajratiladi;
injenerlik maktablariga soha korxonalaridan amaliyotchi hamda ilgʻor xorijiy mutaxassislarni jalb qilish xarajatlari Savdoga koʻmaklashish jamgʻarmasi mablagʻlari hisobidan amalga oshiriladi.
Iqtisodiyot va moliya vazirligi zarur hollarda ushbu maqsadlar uchun “Savdoni rivojlantirish kompaniyasi” AJ (keyingi oʻrinlarda — Kompaniya) buyurtmasiga asosan Savdoga koʻmaklashish jamgʻarmasiga qoʻshimcha mablagʻlar ajratish choralarini koʻrsin;
b) uch oy muddatda mahsulotlar tannarxini pasaytirish, sifat darajasini hamda ichki va tashqi bozorlardagi raqobatbardoshligini oshirish maqsadida tarmoq korxonalarining ishlab chiqarish jarayonlarini (MES, ERP, PLM va boshqa dasturlar asosida) raqamlashtirish dasturini ishlab chiqib, amalga oshirish choralarini koʻrsin.
Bunda mazkur xarajatlarning 50 foizi, biroq 10 ming AQSH dollaridan koʻp boʻlmagan qismi Savdoga koʻmaklashish jamgʻarmasi mablagʻlari hisobidan qoplab berilishi belgilansin.
8. Investitsiyalar, sanoat va savdo vazirligi, Markaziy bank, Tiklanish va taraqqiyot jamgʻarmasi hamda “Oʻzeltexsanoat” uyushmasining quyidagi takliflari maʼqullansin:
a) 2025 — 2027-yillarda “Oʻzeltexsanoat” uyushmasi tarkibidagi korxonalarning mahalliy kapital bozorida qisqa (1 yilgacha) va oʻrta (5 yilgacha) muddatli obligatsiyalarini joylashtirish va xalqaro kapital bozorlarida 2 ta tarmoq korxonasining yevroobligatsiyalarini chiqarish hisobiga resurs jalb qilish. Bunda korxonalarning qimmatli qogʻozlari chiqarilishini tashkil qilish uchun tijorat banklarini moliyaviy konsultant sifatida jalb etish;
b) “Oʻzsanoatqurilishbank” ATB orqali 150 million AQSH dollari hamda boshqa tijorat banklari orqali 100 million AQSH dollari miqdorida, xorijiy valyutada kredit liniyalarini ochish;
(8-bandning “b” kichik bandi Oʻzbekiston Respublikasi Prezidentining 2025-yil 15-oktabrdagi PQ-304-sonli qarori tahririda — Qonunchilik maʼlumotlari milliy bazasi, 15.10.2025-y., 07/25/304/0942-son)
(8-bandning “v” kichik bandi Oʻzbekiston Respublikasi Prezidentining 2025-yil 15-oktabrdagi PQ-304-sonli qaroriga asosan chiqarilgan — Qonunchilik maʼlumotlari milliy bazasi, 15.10.2025-y., 07/25/304/0942-son)
g) elektrotexnika tarmogʻida yuqori texnologiyali ishlab chiqarishni nazarda tutuvchi investitsiya loyihalariga Oʻzbekiston Respublikasining Toʻgʻridan-toʻgʻri investitsiyalar jamgʻarmasi mablagʻlari hisobidan 25 million AQSH dollari miqdorida mablagʻ yoʻnaltirish.
Hukumat komissiyasi (J. Xodjayev) ikki hafta muddatda mazkur bandning “b” kichik bandida nazarda tutilgan kredit liniyalari taqsimotini tijorat banklari kesimida tasdiqlasin.
9. Markaziy bank ikki oy muddatda xoʻjalik yurituvchi subyektlarning faoliyati bilan bogʻliq xatarlarni xedjirlash maqsadida amalga oshiriladigan operatsiyalarni joriy valyuta operatsiyalari tarkibiga kiritish yuzasidan qonunchilik hujjatlariga oʻzgartirishlar kiritsin.
10. Investitsiyalar, sanoat va savdo vazirligi, Savdo-sanoat palatasi hamda Markaziy bank tijorat banklari bilan birgalikda uch oy muddatda elektrotexnika mahsulotlari eksportini yanada jadallashtirish uchun Kompaniya mablagʻlari hisobidan yangi “Eltechexport” moliyalashtirish liniyasini joriy etsin.
Bunda “Eltechexport” moliyalashtirish liniyasi doirasida:
tarmoq korxonalariga tijorat banklari orqali bank marjasini hisobga olgan holda xorijiy valyutada yillik 6 foiz, milliy valyutada yillik 14 foiz stavkada kreditlar ajratiladi;
kredit taʼminoti sifatida amalga oshiriladigan eksport shartnomasi hamda sugʻurta polisi qabul qilinadi;
kredit bir korxona uchun bir kalendar yilda 10 million AQSH dollaridan koʻp boʻlmagan miqdorda taqdim etiladi.
Kompaniya eksportni moliyalashtirish yoʻnalishidagi mazkur yangi tartibni joriy etish uchun tijorat banklari talabnomasiga asosan resurslar ajratib borilishini taʼminlansin.
11. Investitsiyalar, sanoat va savdo vazirligi, Iqtisodiyot va moliya vazirligi hamda “Oʻzeltexsanoat” uyushmasining quyidagi takliflari maʼqullansin:
a) yuridik shaxslarga Ohangaron tumani, Fargʻona va Urganch shaharlaridagi texnoparklarda yer uchastkasini elektron onlayn auksion savdolari orqali ijaraga olib tayyor holda bino-inshootlarni qurish va elektrotexnika hamda unga yondosh boʻlgan tarmoq korxonalariga sotish yoki boʻlib-boʻlib toʻlash sharti bilan sotish yoxud ijara shartlarida toʻgʻridan-toʻgʻri realizatsiya qilishga ruxsat berish.
Bunda bino-inshootlarni xarid qilgan yoki ijaraga olgan tadbirkorlarga “Eltech Industrial” texnoparkini boshqarish direksiyasi” davlat muassasasi bilan tuziladigan investitsiya bitimiga muvofiq “Eltech Industrial” texnoparki ishtirokchisi maqomi beriladi;
b) ishlab chiqarishni tashkil etish maqsadida qurilgan tayyor bino-inshootlarni xarid qilish uchun tadbirkorlarga oʻrnatilgan tartibda Sanoatni rivojlantirish jamgʻarmasi mablagʻlari hisobidan 7 yil muddatgacha, shundan 2 yilgacha imtiyozli davr bilan milliy valyutada yillik 10 foiz stavkada kredit ajratish;
v) elektrotexnika tarmogʻi korxonalari ishlab chiqaradigan sanoat mahsulotlarini lizing asosida sotish. Bunda:
mazkur maqsadlar uchun 2025-yilda Tiklanish va taraqqiyot jamgʻarmasidan Oʻzbekiston Respublikasi Prezidentining 2024-yil 10-yanvardagi “Elektrotexnika sanoatining ishlab chiqarish va eksport salohiyatini yanada oshirishga doir qoʻshimcha chora-tadbirlar toʻgʻrisida”gi PQ-15-son qaroriga asosan elektrotexnika sanoati uchun ajratilishi nazarda tutilgan mablagʻlar hisobidan 30 million AQSH dollari yoʻnaltiriladi;
ushbu mablagʻlar tijorat banklariga ularning buyurtmasiga asosan Oʻzbekiston Respublikasi Markaziy bankining asosiy stavkasida milliy valyutada 5 yil muddatga ajratiladi;
mahalliy elektrotexnika mahsulotlarini sotish boʻyicha lizing xizmatlarini koʻrsatishda tijorat banklarining marjasi yillik 4 foizdan oshmagan miqdorda oʻrnatiladi;
lizing shartnomalari doirasida tadbirkorlik subyektlari lizing obyektining 15 foizi miqdorida avans toʻlovlarini oʻz mablagʻlari hisobidan amalga oshirishi belgilanadi.
Hukumat komissiyasi (J. Xodjayev) bir oy muddatda mazkur shartlarda lizing asosida beriladigan elektrotexnika mahsulotlari roʻyxatini tasdiqlasin.
12. Raqobatni rivojlantirish va isteʼmolchilar huquqlarini himoya qilish qoʻmitasi hamda Oʻzbekiston texnik jihatdan tartibga solish agentligi chakana savdo shoxobchalarida nazorat xaridi tadbirlarini (test, ekspertizasini) amalga oshirish orqali elektrotexnika mahsulotlarining sifati va xavfsizligi texnik jihatdan tartibga solish sohasidagi normativ hujjatlar talablariga muvofiqligini nazorat qilib borsin.
13. Hukumat komissiyasi, Investitsiyalar, sanoat va savdo vazirligi, Iqtisodiyot va moliya vazirligi elektrotexnika tarmogʻi korxonalariga “Oʻzeltexsanoat” uyushmasining buyurtmalariga asosan respublikada ishlab chiqarilmaydigan xomashyo va materiallarni markazlashgan holda yetkazib berish tizimini yoʻlga qoʻyish boʻyicha moliyalashtirish manbalarini aniq belgilab Vazirlar Mahkamasiga taklif kiritsin.
14. Transport vazirligi elektrotexnika mahsulotlarini ishlab chiqarish uchun zarur boʻlgan xomashyo va butlovchi qismlarni import qilishdagi transport xarajatlarini optimallashtirish maqsadida har moliya yili avvalida 6-ilovaga muvofiq yirik xalqaro logistika kompaniyalarining arzonlashtirilgan narxlarda logistika kvotalari band qilinishini taʼminlasin.
15. Savdo-sanoat palatasi Iqtisodiyot va moliya vazirligi, Investitsiyalar, sanoat va savdo vazirligi, “Oʻzeltexsanoat” uyushmasi hamda manfaatdor vazirlik va idoralar bilan birgalikda 2025-yil 1-sentabrga qadar eng yaxshi takliflarni tanlash yoʻli bilan yetakchi xorijiy konsalting kompaniyasini jalb qilgan holda 2035-yilga qadar Elektrotexnika sanoatini, shu jumladan, uskunasozlikni, rivojlantirish strategiyasini ishlab chiqsin va tasdiqlash uchun Vazirlar Mahkamasiga kiritsin.
Iqtisodiyot va moliya vazirligi xorijiy konsalting kompaniyasini jalb qilish va strategiyani ishlab chiqish bilan bogʻliq xarajatlarni moliyalashtirish uchun 2025-yilda Davlat budjeti hisobidan Savdoga koʻmaklashish jamgʻarmasiga 15 milliard soʻmgacha mablagʻ ajratilishini taʼminlasin.
16. Investitsiyalar, sanoat va savdo vazirligi Markaziy bank hamda “Oʻzeltexsanoat” uyushmasi bilan birgalikda ikki oy muddatda xorijiy ilgʻor uskunasozlik kompaniyalari bilan muzokaralar oʻtkazgan holda hududlarda uskunasozlik loyihalarini, shu jumladan, kooperatsiya asosida amalga oshirish boʻyicha aniq takliflarni Vazirlar Mahkamasiga kiritsin.
17. Savdo-sanoat palatasi Iqtisodiyot va moliya vazirligi hamda Qoraqalpogʻiston Respublikasi Vazirlar Kengashi, viloyatlar va Toshkent shahri hokimliklari bilan birgalikda bir oy muddatda maxsus elektrotexnika, oziq-ovqat, toʻqimachilik va charm mahsulotlari uchun distributsiya-logistika markazlarini tashkil qilish va faoliyatini yoʻlga qoʻyish boʻyicha kelishilgan taklifni Vazirlar Mahkamasiga kiritsin.
18. Bojxona qoʻmitasi uch oy muddatda qayta ishlash mahsulotlari bilan bogʻliq bojxona operatsiyalarini sanoat kooperatsiyasi tartibida boshqa ishlab chiqaruvchilar tomonidan tovarlarni bojxona hududida qayta ishlash bojxona rejimiga joylashtirishni nazarda tutuvchi tartib ishlab chiqib tasdiqlasin.
19. Quyidagilar:
mazkur qarorning 2-bandida belgilangan maqsadli koʻrsatkichlar va topshiriqlarning bajarilishini taʼminlashga Bosh vazir oʻrinbosari J. Xodjayev, “Oʻzeltexsanoat” uyushmasi raisi M. Yunusov, Savdo-sanoat palatasi raisi D. Vaxabov, Qoraqalpogʻiston Respublikasi Vazirlar Kengashi Raisi, viloyatlar va Toshkent shahri hokimlari hamda vazirlik, idora va tashkilotlar rahbarlari birdek masʼul va javobgar hisoblanadi;
mazkur qarordagi moliyaviy qoʻllab-quvvatlash choralarining bajarilishini taʼminlash boʻyicha shaxsiy javobgarlik iqtisodiyot va moliya vaziri oʻrinbosari A. Xaydarov hamda Savdo-sanoat palatasi raisi D. Vaxabov zimmasiga yuklatiladi.
20. Oʻzbekiston Respublikasi Prezidentining ayrim qarorlariga 7-ilovaga muvofiq oʻzgartirish va qoʻshimchalar kiritilsin.
21. Savdo-sanoat palatasi manfaatdor vazirlik va idoralar bilan birgalikda qonunchilik hujjatlariga ushbu qarordan kelib chiqadigan oʻzgartirish va qoʻshimchalar toʻgʻrisida Vazirlar Mahkamasiga takliflar kiritsin.
22. Mazkur qarorning ijrosini nazorat qilish Bosh vazir oʻrinbosarlari J.A. Qoʻchqorov va J.A. Xodjayev zimmasiga yuklansin.
Qaror ijrosini har chorakda muhokama qilib borish, ijro uchun masʼul idoralar faoliyatini muvofiqlashtirish va nazorat qilish Oʻzbekiston Respublikasi Bosh vaziri A.N. Aripov zimmasiga yuklansin.
Oʻzbekiston Respublikasi Prezidenti Sh. MIRZIYOYEV
Toshkent sh.,
2025-yil 22-yanvar,
PQ-20-son
Oʻzbekiston Respublikasi Prezidentining 2025-yil 22-yanvardagi PQ-20-son qaroriga1-ILOVA
Elektrotexnika sanoatini rivojlantirishning 2025 — 2027-yillarga moʻljallangan
(1-ilova Oʻzbekiston Respublikasi Prezidentining 2025-yil 15-oktabrdagi PQ-304-sonli qarori tahririda — Qonunchilik maʼlumotlari milliy bazasi, 15.10.2025-y., 07/25/304/0942-son)
Oʻzbekiston Respublikasi Prezidentining 2025-yil 22-yanvardagi PQ-20-son qaroriga2-ILOVA
Elektrotexnika sanoatida yangi ishlab chiqarish quvvatlarini yaratish va ishlab chiqarishni diversifikatsiya qilish dasturi doirasida 2025 — 2027-yillarda amalga oshiriladigan investitsiya loyihalarini ishga tushirishning
Izoh: Investitsiyalarni jalb qilish, sanoatni rivojlantirish va savdoni tartibga solish masalalari boʻyicha Hukumat komissiyasi zarur hollarda “Oʻzeltexsanoat” uyushmasining taklifiga asosan ushbu yigʻma parametrlarga oʻzgartirish va qoʻshimchalar kiritish huquqiga ega.
Oʻzbekiston Respublikasi Prezidentining 2025-yil 22-yanvardagi PQ-20-son qaroriga3-ILOVA
Elektrotexnika mahsulotlarini mahalliy ishlab chiqaruvchilar va ularning rasmiy dillerlari hamda distribyutorlaridan xarid qilishning 2025 — 2027-yillarga moʻljallangan maqsadli koʻrsatkichlari
(3-ilova Oʻzbekiston Respublikasi Prezidentining 2025-yil 15-oktabrdagi PQ-304-sonli qarori tahririda — Qonunchilik maʼlumotlari milliy bazasi, 15.10.2025-y., 07/25/304/0942-son)
Oʻzbekiston Respublikasi Prezidentining 2025-yil 22-yanvardagi PQ-20-son qaroriga5-ILOVA
Elektrotexnika sanoatida yuqori texnologiyali ishlab chiqarishga asoslangan mahsulotlar
1. Identifikatsiya uchun moʻljallangan mikroprotsessor modullari.
2. Uyali va boshqa simsiz aloqa tarmogʻi uchun telefon, planshet va ularning butlovchi qismlari.
3. Kompyuter, noutbuklar va ularning butlovchi qismlari hamda avtomatlashtirilgan depozit mashinalari.
4. Bosib chiqarish, skanerlash, nusxa koʻchirish va uzatish qurilmalari.
5. Elektron axborot tashuvchi vositalar.
6. Elektronika yoʻnalishidagi mahsulotlar (yarimoʻtkazgich, mikrosxema, elektron chip, quyosh panellari uchun yacheyka va boshqalar).
7. Tibbiyot uskunalari (MRT, rentgen, portativ tashxis uskunasi va boshqalar).
8. Robot va robototexnika uskunalari, uchuvchisiz uchish qurilmalari.
9. Mis xomashyosidan qoʻshilgan qiymati yuqori boʻlgan mahsulotlar (misdan folga, egiluvchan plata, elektromobil zaryadlash uskunalari).
10. Texnologik asbob-uskunalar (uskunasozlik) va ularning butlovchi va ehtiyot qismlari.
11. Uskunalar uchun qoliplar (press forma).
12. Elektromobillar, quyosh va shamol elektrostansiyalari uchun batareyalar va invertorlar.
Oʻzbekiston Respublikasi Prezidentining 2025-yil 22-yanvardagi PQ-20-son qaroriga6-ILOVA
Elektrotexnika sanoati korxonalariga ishlab chiqarish uchun zarur boʻlgan xomashyo va butlovchi qismlarni import qilishda arzonlashtirilgan narxlarda logistika kvotalarini band qilish parametrlari
Oʻzbekiston Respublikasi Prezidentining 2025-yil 22-yanvardagi PQ-20-son qaroriga7-ILOVA
Oʻzbekiston Respublikasi Prezidentining ayrim qarorlariga kiritilayotgan oʻzgartirish va qoʻshimchalar
1. Oʻzbekiston Respublikasi Prezidentining 2018-yil 29-iyundagi “Oʻzbekiston Respublikasining tashqi iqtisodiy faoliyatini yanada tartibga solish hamda bojxona-tarif jihatdan tartibga solish tizimini takomillashtirish chora-tadbirlari toʻgʻrisida”gi PQ-3818-son qaroriga 1-ilovaning rus tilidagi matnida “3920” pozitsiyasidan keyin quyidagi mazmundagi pozitsiyalar bilan toʻldirilsin:
2. Oʻzbekiston Respublikasi Prezidentining 2020-yil 21-avgustdagi “Mahalliy ishlab chiqaruvchilarni qoʻllab-quvvatlashga doir qoʻshimcha chora-tadbirlar toʻgʻrisida”gi PQ-4812-son qarorining 4-bandi quyidagi mazmundagi uchinchi xatboshi bilan toʻldirilsin:
“agar new.cooperation.uz portalida roʻyxatdan oʻtgan mahalliy ishlab chiqaruvchilarning elektrotexnika mahsulotlari narxi boshqa elektron portallarda roʻyxatdan oʻtgan mahalliy ishlab chiqaruvchilarning elektrotexnika mahsulotlari narxidan yuqori boʻlsa, davlat buyurtmachilariga boshqa elektron portallarda roʻyxatdan oʻtgan mahalliy ishlab chiqaruvchilardan elektrotexnika mahsulotlarini xarid qilishga ruxsat etiladi”;
uchinchi — oʻn uchinchi xatboshilar tegishincha toʻrtinchi — oʻn toʻrtinchi xatboshilar deb hisoblansin.
3. Oʻzbekiston Respublikasi Prezidentining 2024-yil 10-yanvardagi “Elektrotexnika sanoatining ishlab chiqarish va eksport salohiyatini yanada oshirishga doir qoʻshimcha chora-tadbirlar toʻgʻrisida”gi PQ-15-son qarorida:
a) 1 va 2-bandlar oʻz kuchini yoʻqotgan deb hisoblansin;
b) 18-bandda:
beshinchi xatboshidagi “2025-yil 1-martga qadar” soʻzlari “2025-yil 31-dekabrga qadar” soʻzlari bilan almashtirilsin;
quyidagi mazmundagi oltinchi va yettinchi xatboshilar bilan toʻldirilsin:
“Davlat budjetidan ajratilgan mablagʻlar hisobidan sinov laboratoriyasini jihozlash uchun xarid qilingan tovarlar va asbob-uskunalar “Oʻzeltexsanoat” uyushmasi tomonidan “Eltech-Lab” MCHJga bepul oʻtkazib beriladi.
Bunda “Oʻzeltexsanoat” uyushmasi tomonidan topshirish-qabul qilish dalolatnomasiga muvofiq tovarlar va asbob-uskunalarni “Eltech-Lab” MCHJga bepul berish soliq solish obyekti hisoblanmaydi”;
v) 1-ilova oʻz kuchini yoʻqotgan deb hisoblansin.